Roteiro pola protección do Monte Pornedo

A Plataforma en Defensa dos Montes do Morrazo organiza o domingo 12 de abril un roteiro para dar a coñecer a importancia natural, paisaxística e cultural do monte Pornedo (coñecido tamén como monte Pituco), sito na parroquia de San Xulián, concello de Marín, e integrado dentro do espazo natural dos Montes do Morrazo.
O roteiro, primeiro desta primavera, será circular e sairá as 11 da mañá da área recreativa do Pornedo, para chegar ás 14 h., ao mesmo lugar.
O percorrido transcorrerá por camiños, corredoiras e pista forestal pola ribeira do nacemento do regos de Pornedo, Outeiro da Barcia, ribeira de nacemento do rego da Agrela, Chan da Lagoa, Sete Camiños e Coto de Pornedo.
Os puntos de maior interese a visitar son as plantacións forestais e monte baixo da ribeira do nacemento dos regos de Pornedo e Agrela e Outeiro da Barcia, as mámoas neolíticas de Chan da Lagoa e Sete Camiños, os petróglifos da Idade do Bronce de Sete Camiños e complexo rupestre de Pornedo, petróglifos modernos de José Meijón e penedías e miradoiro do alto de Pornedo.

Etiquetas: 

Engadir novo comentario

Plain text

  • Non se permiten etiquetas HTML.
  • Os enderezos de páxinas web e os de correo electrónico son convertidos automaticamente en enlaces.
  • Saltos de liña e parágrafo automáticos.